රාවය 25 වැනි සංවත්සරයේදී මහින්ද රාජපක්ෂ ටෙලි ප්රෝම්ටරය නැති නිසා නිරුවත් වේ.

රාවය 25 වැනි සංවත්සරය සත්‍ය වශයෙන්ම වික්ටර් අයිවන් මෙන්ම ඔහුගේ සහෝදර මහින්ද රාජපක්ෂද නිරුවත්වුනු දිනයකි. මුළු ශාලාවම මහජන බැංකුවේ කොඩි වලින් සරසා තිබීම තුල නිතර  හැගී ගියේ මහජන බැංකුවේ 25 වැනි සංවත්සරයද කියාය. රාජපක්ෂ පරපුරට එරෙහි පුවත් පලකරන සියලු මාර්ගඅවහිර කරන්නාවූ රාජපක්ෂ රෙජීමය එළිපිටම වික්ටර් අයිවන් මල්ලි වෙනුවෙන්  මුල්‍යමය අනුග්‍රහය දක්වා තුටු පඩුරු ඒවා තිබිණි. උත්සවය කථනය උදෙසා බන්දුල නානායක්කාරවසම් මහතා යොදාගැනීම තුලම වික්ටර් අයිවන් සිටින කදවුර තවත් පැහැදිලි කෙරින. වික්ටර් අයිවන් ව්‍යාපාරික සිය කතාව තුල නැවත මහජන බැංකුවට ස්තුතිය පුද කොට මොහොතකින් විලි වසා ගැනීමට මාධ්‍ය නිදහස සහ යහ පාලනය පිළිබද මාතෘකාවට බදුන් කොට අනපේක්ෂිත අභියෝගයක් අරාධිත  ප්‍රධාන දේශපාලන පක්ෂ නායකයින් වෙත ඉදිරිපත් කළේය. අභියෝගය නම් තමා විශ්වාස කරන පරිදි ලංකාව හැදීමටනම් ජනතා විප්ලවයක් සිදුකිරීම හෝ දේශපාලන පක්ෂ එකතුවී ලංකාවට පොදු පිළිතුරක් සොයාගැනිමයි. මෙම අභියෝගය  සමග ප්‍රථමයෙන් කතාකළ මුස්ලිම් කොංග්‍රස් පක්ෂයේ උප ලේකම් නිසාම් කාරියප්පර් සුපුරුදු කඩේයාම සිදුකලා මිස වැදගත් කතාවක් කලේ නැත. ඔහු පැවසුවේ  ජනාදීපතිගේ දෑත ශක්තිමත් කොට ඇතී බවයි අනතුරුව ටී.එන්.ඒ පක්ෂයේ පාර්ලිමේන්තු මන්ත්‍රී සම්බන්දන් මහතා පැවසුවේ.

“ශ්‍රී ලංකාව යනු ශ්‍රී ලංකික සැමගේ රටයි දෙමල කියා අඩු සැලකිලි දැක්වීම අසාදාරන බවයි. උදාහරණ ලෙස සිංහලයකු තමන් උඩරට සිංහල කියා තමන් උසස් යැයි කිවූ කාලයක් තිබුණා දැන් එසේ නැහැ මොකද එය වැරදී මතයක් එසේම සිංහල කියා ගැනීමත් වැරදී අප ශ්‍රී ලාංකිකයන් ….අද අප ජිනීවා නොගියේ ශ්‍රී ලංකික අප අපේ ප්‍රශ්න අපට විසදා ගත හැකී නිසා .”

අනතුරුව විපක්ෂ නායකවරයාට සභාව ඇමතීමේ  අවස්ථව හිමිවුණා

“මන් මේ බැලුවේ ඩලස් අලහප්පෙරුම ඉන්නවද කියල …ඩලස් හැමදාම ලෝක බොරුවක් කියනවනේ විදුලි පුටුවක් ගැන ලෝකේ දැන් විදුලී පුටු නැහැ. මම අගමැති කාලේ රෝම ප්‍රච්නාප්තියට අත්සන් කිරීම ප්‍රතික්ෂේප කලා එම නිසා කොහෙත්ම විදුලි පුටු  කතා බොරු වර්තමානයේ ඇත්තේ එක විදුලි පුටුවයි. ඒ විධායක ජනදීපතිකමේ විදුලී පුටුව පමනයි. මහින්ද අද ඉන්නේ එතන මමත් යන්නේ එතනටයි. මම සතුටු වෙනවා සම්බන්දන් මහත්තයා කිව්වා වගේ ජිනීවා නොගිහින් මෙතන සිටීම ගැන. එතුමා ඔප්පුකර තිබෙනවා ශ්‍රී ලංකික විසදුමක් විශ්වාස කරන බවම මමත් විශ්වාස කරන්නේ අපට අපටම අනන්‍ය වූ විසදුමක් සොයා ගත හැකි බව. මාධ්‍ය තර්ජනයෙන් ගර්ජනයෙන් වැඩිකල් පාලනය ගෙනියාමට නොහැකි ප්‍රජාතන්ත්‍රවාදය මුලික අඩිතාලම ලෙස විශ්වාස කල  යුතුයි. රාවය වසර 25 ක් උදෙසා පෙනීසිටිය ප්‍රජාතන්ත්‍රවාදය ස්ථාපිත කිරීමේ මෙහෙයුම තවත් ඉදිරියටම ගෙනියන්න ඔබේ අභියෝගය මා මතුයම් දිනක ඉටුකර පෙන්වන්නම්”

අනතුරුව පැමිණියේ ජනාදීපතීවරයාය

ජනදිපතිවරයාගේ කතාව පුරා ගැබ්වුයේ සුපුරුදු සුදානමින් පැමිණි කතාවකි. ඔහු පැවසුවේ ලංකාවේ ප්‍රශ්නවලට බටහිර ඇගිලි නොගැසිය යුතු බවත් පිල් බෙදීම් වලින් තොර සැමදෙන ඊට එක්විය යුතු බවත්ය. මෙය අසා සිටි අගමැතිවරයා පවසා ඇත්තේ නායකතුමා ටෙලී ප්‍ර්රෝම්ප්ටරයේම කතා පැවැත්වීම මෝඩ කමක් බවයි. කතාවෙන් අනතුරුව සියලු දෙනා මහින්දගේ සහ රනිල්ගේ කතා දෙක සංසන්දනාත්මක ලෙස කතා කළහ රනිල් වික්‍රමසිංහ තැනට සුදුසු ලෙස පැවැත් වූ  කතාවත් බලාගෙන කීමට පැමිණි ජනදිපතිගේ ගොන් කතාවත් පසුදින 29/02/2012 මාධ්‍ය සගයින් තැන තැන කතා කල කරුණක් බවට පත්වි.